Serchhip - Thenzawl inkar leimin enfiah

Vawiin, August ni 4, 2026 khan Additional Deputy Commissioner Pi Dorothy Muansangi hovin PWD hotute, Serchhip khawtlang hruaitu Sub Headquarters YMA , Darnam VC te leh ramneitute’n Serchhip leh Thenzawl inkar, Colney Filling Station thlanga leimin awm reng chu a hmunah kalin an enfiah a. Mipuite harsatna chhawk theih dan zawngin, a rang lama temporary emaw tala hma lak theih dan turte an sawiho.

Helai leimin hi District chhung mipuite bakah Mizoram chhimlam khuate tan pawha inkalpawhna kawng pawimawh lai tak anih avangin thenfai tumin hma lak ni thin mah se, a mualin a zir tawk loh avangin ruah a sur deuhin lei a min belh zel thin a, ram a tih hek zel avangin ram neitu pawhin Complaint pawh a theh lut tawh nghe nghe a, Chief Engineer ho pawhin en a lo ni tawh a ni. 

Tun dinhmunah PWD ten JCB hmangin (on-call) koh theihin an vil reng a, chhiatna lian tham a thlen loh nan mipuite chu a bikin, zan lama tlan tam lo hram tur leh fimkhur tura ngen leh hriattir an ni.